Qırğızıstanla Aİİ ölkələri arasında qarşılıqlı ticarətin həcmi 9 faiz azalıb

2024-cü ilin birinci yarısında Qırğızıstanla Aİİ ölkələri arasında qarşılıqlı ticarətin həcmi 9,3 faiz azalıb.

"Operativ Media" xəbər verir ki, bu barədə ölkənin İqtisadiyyat və Ticarət Nazirliyi məlumat yayıb.

Məlumata görə, yanvar-iyun aylarında Aİİ ölkələri ilə qarşılıqlı ticarətin həcmi 2 milyard ABŞ dolları təşkil edib ki, bu da ötən ilin müvafiq dövrü ilə müqayisədə 9,3 faiz azdır.

Qırğızıstan Respublikasının qarşılıqlı ticarət strukturunda ən böyük pay Rusiyanın - 71,6 faiz və Qazaxıstanın - 26,5 faiz təşkil edib. Üçüncü ölkələrlə xarici ticarətin həcmi 5,6 milyard dollar təşkil edib. 2023-cü ilin yanvar-iyun ayları ilə müqayisədə 18,1 faiz artıb.