Hindistanın müdafiə naziri ABŞ-yə səfər edəcək

Hindistanın müdafiə naziri Rajnath Singh iki ölkənin strateji maraqlarını müzakirə etmək və müdafiə sahəsində əməkdaşlığı dərinləşdirmək üçün ABŞ-yə səfər edəcək.

"Operativ Media" xəbər verir ki, bu barədə nazir özü "X"də məlumat verib.

"Vaşinqtona gedirik. Hindistan və Birləşmiş Ştatlar hərtərəfli qlobal strateji tərəfdaşlığı bölüşürlər", - Singh qeyd edib.

O, həmkarı Lloyd Austin ilə ABŞ-də görüşəcəyini söyləyib: "Biz müdafiə sahəsində əməkdaşlığı gücləndirməyə çalışarkən strateji maraqların istiqamətlərini müzakirə edəcəyik".