İsrail nümayəndə heyəti Qətərdə danışıqlar aparacaq

İsrail nümayəndə heyəti Qəzza zolağında girovların azad edilməsi ilə bağlı danışıqları avqustun 28-də Qətərdə davam etdirməyi planlaşdırır.

"Operativ Media" xəbər verir ki, bu barədə İsrail baş nazirinin ofisinin müşaviri Dmitri Gendelman bildirib.

“İsrail danışıqlar qrupu avqustun 28-də Dohaya uçmağı planlaşdırır”, - rəsmi bildirib.

O vurğulayıb ki, səfərin məqsədi Qəzzada girovların azad edilməsi ilə bağlı vasitəçilər ilə danışıqları davam etdirməkdir.