1 iyun - 31 avqust 2024-cü il tarixlərində Fövqəladə Hallar Nazirliyinin “112” qaynar telefon xəttinə  87 suda batma hadisəsi ilə bağlı müraciət daxil olub.

FHN-dən "Operativ Media" nın sorğusuna cavab olaraq bildirilib ki, müraciətlərlə bağlı həyata keçirilmiş əməliyyatlar nəticəsində 106 nəfər xilas olunub.

Nəzarətsiz ərazilərdə suda batmış 16 nəfərin meyiti çıxarılaraq aidiyyəti üzrə təhvil verilib. FHN əməkdaşlarının xidmət apardığı nəzarət olunan ərazilərdə ölüm halları qeydə alınmayıb.