ADY sədri: Yaxın zamanlarda "Avrasiya Nəqliyyat Marşrutu” Beynəlxalq Assosiasiyası yaradılacaq

Çindən bu ilin 8 ayı ərzində 212 blok qatar göndərilib. Bu 420 min ton yük deməkdir.

“Operativ Media” xəbər verir ki, bunu “Azərbaycan Dəmir Yolları” QSC-nin (ADY) sədri Rövşən Rüstəmov Bakıda keçirilən “Avrasiya Nəqliyyat Marşrutu” Beynəlxalq Assosiasiyasının qurulmasına dair dəmir yolu administrasiyaları rəhbərlərinin məşvərət toplantısında bildirib.

Rövşən Rüstəmov bildirib ki, Orta Dəhlizin potensial imkanı bundan qat-qat artıqdır:

Orta Dəhlizin potensial imkanı bundan qat-qat artıqdır. Bu ilin sonuna qədər Çindən 300 blok qatar yola salınacaq. Ümumiyyətlə isə Çin Xalq Respublikasının verəcəyi blok qataraların sayı aylıq 100, illik isə 1000 üzərində olması planlaşdırılır", -  deyə o, bildirib.

“Azərbaycan Dəmir Yolları” QSC-nin (ADY) sədri son olaraq bildirib ki, yaxın zamanlarda assosiasiyası yaradılacaq:

“Avrasiya Nəqliyyat Marşrutu” Beynəlxalq Assosiasiyası ilə bağlı məsləhətləşmələrə toplaşmışdıq. Müzakirələrdən aydın olur ki, ölkələr bir-birini dəstəkləyir. Yaxın zamanlarda bütün rəsmi prosedurlor yekunlaşacaq. Və “Avrasiya Nəqliyyat Marşrutu” Beynəlxalq Assosiasiyası yaradılacaq.