Beynəlxalq ictimaiyyət Ermənistanın Azərbaycana qarşı davam edən mina terroruna göz yummamalıdır.

"Operativ Media" xəbər verir ki, bu barədə Azərbaycan Xarici İşlər Nazirliyinin "X" hesabında bildirib.

"Ermənistanın davam edən mina terroru nəticəsində bu gün Qazaxda minanın partlaması nəticəsində daha bir Azərbaycan vətəndaşı yaralanıb. 2020-ci ildən indiyədək 381 nəfər mina qurbanı olub. Münaqişənin sona çatmasına baxmayaraq, Ermənistan müvafiq mina xəritələrini təqdim etməkdən imtina etməkdə davam edir.Beynəlxalq ictimaiyyət Ermənistanın Azərbaycana qarşı davam edən mina terroruna göz yummamalıdır", - paylaşımda qeyd olunub.