Azərbaycan Mərkəzi Bankının sədri Taleh Kazımov ABŞ səfəri çərçivəsində “Citi Group” şirkətinin idarəçi direktoru, inkişaf etməkdə olan Avropa, Yaxın Şərq və Şimali Afrika regionu üzrə ictimai sektorunun rəhbəri Georgi Yordanov, eləcə də Yaxın Şərq, Afrika, Mərkəzi və Şərqi Avropa regionu üzrə satış rəhbəri Burak Çiçəksevər ilə görüşüb.
"Operativ Media" xəbər verir ki, bu barədə AMB sədrinin "X" hesabında paylaşım edilib.
"Görüş çərçivəsində qlobal makroiqtisadi meyilləri və ölkəmizin inkişaf trendlərini müzakirə etdik. Həmçinin Mərkəzi Bankla “Citi Group” arasında əməkdaşlıq əlaqələrinin daha da genişləndirilməsi perspektivləri ətrafında fikir mübadiləsi apardıq", - sədr qeyd edib.
