Marko Yankoviç: Yeni çağırışlara, titullara və inanılmaz anlara köklənəcəyik

“Qarabağ”ın futbolçusu Marko Yankoviç instaqram hesabında paylaşım edib.

"Operativ Media" xəbər verir ki, yarımmüdafiəçi “atlılar”ın heyətində 100-cü oyunu keçirməsi haqda bunları yazıb:

“Bu, zirvələr, çətinliklər və unudulmaz anlarla dolu inanılmaz səyahətdir. Ən böyük dəstəkçim olan ailəmə və dostlarıma təşəkkür edirəm. Komanda yoldaşlarım, məşqçilərim, klubda işləyən, daha əvvəl burada çalışmış insanlar və azarkeşlər məni daha yaxşı olmağa sövq etdilər. Dəstəyiniz üçün minnətdaram. Artıq daha çox məqsədə, qələbəyə, yeni çağırışlara, titullara və inanılmaz anlara köklənəcəyik”.