Azərbaycan şahmatçıları dünya çempionatında iştirak etməyəcəklər

Braziliyanın Florionapolis şəhərində 14-18 yaşlı oğlanlar və qızlar arasında şahmat üzrə dünya çempionatı başlayıb.

"Operativ Media" İdman.biz-ə istinadən xəbər verir ki, Azərbaycan şahmatçıları adıçəkilən yarışda iştirak etməyəcəklər.

Braziliyaya uzun səfəri və uyğunlaşmanı nəzərə alaraq, yarışdan imtina edilib. Gələn il gənclər arasında Avropa çempionatında çıxış etmək qərara alınıb.

Qeyd edək ki, Braziliyada dünya çempionatı 11 turdan ibarət İsveçrə sistemi üzrə keçirilir.