Azərbaycan Beynəlxalq Atom Enerjisi Agentliyi ilə Anlaşma Memorandumu imzalayıb.

"Operativ Media" xəbər verir ki, bu barədə energetika naziri Pərviz Şahbazov “X” sosial şəbəkəsində paylaşım edib.

 " “Aşağı Karbon Texnologiyalarının, o cümlədən Nüvə Enerjisinin Maliyyələşdirilməsi” tədbiri çərçivəsində Beynəlxalq Atom Enerjisi Agentliyi ilə Paris Sazişi kontekstində enerji planlaşdırılması sahəsində əməkdaşlığa dair Anlaşma Memorandumu imzaladıq. BAEA ilə nüvə enerjisinin inkişafı üzrə birgə tədqiqat və layihələrimiz Azərbaycanın nüvə enerjisi sahəsində gələcək addımlarını dəstəkləyəcək və enerji sisteminin şaxələndirilməsinə töhfə verəcək",- deyə paylaşımda qeyd olunub.