Azərbaycan milli komandasının UEFA Millətlər Liqasının V turunda Estoniya yığmasını qəbul edəcəyi Qəbələ şəhər stadionunda işlər yekunlaşıb.

"Operativ Media" AFFA-nın rəsmi saytına istinadən xəbər verir ki, arenada media tribunanın, yeni mərkəzi kamera platformasının, qapı arxası platformanın, texiniki ərazinin təmir tikinti işləri, eləcə də, mövcud platformaların gücləndirilməsi və çəkiliş maşınları meydançasının düzləşdirilməsi prosesi başa çatıb.

Qeyd edək ki, noyabrın 16-da keçiriləcək Azərbaycan–Estoniya oyunu saat 18:00-da başlayacaq.