21 Noyabr 2024, 14:21
Ronaldo verilişinə dəvət edəcəyi sirli qonağı açıqlayıb
Dünyaca məşhur futbolçu Kriştiano Ronaldonun "YouTube" kanalı sürətli bir şəkildə böyüməyə davam edir. Kanalında aparıcılıq edən Ronaldo dəvət edəcəyi yeni qonaqla interneti silkələyəcəyini iddia edib. Hamı Ronaldonun rəqibi Lionel Messini qonaq etməsini gözlədiyi bir vaxtda portuqaliyalı futbolçu sirli qonağı olduğunu açıqlayıb.
"Operativ Media" xəbər verir ki, Ronaldonun öz kanalında Messini qonaq edəcəyi və ikisinin birlikdə izləmə rekordları qıracağı iddia edilib.
Portuqaliyalı ulduzun qonaq edəcəyi müəmmalı ad açıqlansa da, qonaq kimi Lionel Messini gözləyənlər böyük məyus olub.
Ronaldo "YouTube" kanalında qonaq edəcəyi sürpriz qonağın Mister Beast olacağını açıqlayıb. İkili 21 noyabr cümə axşamı saat 17.00-da birlikdə canlı yayım aparacaq.
Rəqəmsal dünyanın tanınmış adlarından biri olan Mr. Beastin "YouTube" kanalında 331 milyon abunəçisi var. Qısa müddətdə milyonlarla abunəçiyə çatan Ronaldonun "YouTube" kanalının hazırda 67 milyondan çox abunəçisi var.