22 Noyabr 2024, 10:17
Mourinyo Ronaldonu "Fənərbaxça"ya gətirmək istəyir
Türkiyənin "Fənərbaxça"sının portuqaliyalı baş məşqçisi Joze Mourinyo Portuqaliya millisinin və Səudiyyə Ərəbistanı "Əl Nəsr"inin hücumçusu Kriştianu Ronaldonu komandasında görmək istəyir.
"Operativ Media" xəbər verir ki, bu haqda Türkiyənin "Fotomaç" nəşri məlumat yayıb.
Mourinyo 39 yaşlı futbolçu ilə telefon danışığı apararaq onu İstanbul komandasına keçməyə razı salmağa çalışıb.
"Fənərbağça"nın idman direktoru Mario Branku hazırda Ronaldonun mümkün transferi ilə bağlı "Əl Nəsr"lə danışıqlar aparır.
Ronaldo 2023-cü ildən Səudiyyə Ərəbistanında çıxış edir. Onun "Əl Nəsr"lə müqaviləsi 2025-ci ilə kimi nəzərdə tutulub.