"Operativ Media" xəbər verir ki, klubun mətbuat xidməti argentinalı Xerardo Martinonun komandanın baş məşqçisi vəzifəsindən istefa verdiyini açıqlayıb.

“Belə xüsusi klubda işləmək və belə xüsusi komandaya rəhbərlik etmək böyük şərəf idi. “İnter Mayami”dəki işimdən həzz alırdım. Bu fürsətə görə təşəkkür edirəm” deyə Martino bildirib.

O, 2023-cü ildən "İnter Mayami"yə rəhbərlik edib. Onun rəhbərliyi altında komanda ABŞ və Meksika Liqa Kuboklarının qalibi olub.

Argentinanın gənclərdən ibarət yığmasının baş məşqçisi Xavyer Maskeranonun “İnter Mayami”yə baş məşqçi təyin olunacağı gözlənilir.