Ruslan Əmircanov: "Qarabağ"ın qələbə qazanacağına inanıram

Bunu "Operativ Media"ya açıqlamasında Azərbaycan millisinin sabiq üzvü Ruslan Əmircanov bildirib.

O, "Qarabağ"ın bu matça daha özgüvənli çıxacağını söyləyib.

"Qarabağ"ın "Bodo-Qlimt"i məğlub etməsindən sonra bu oyuna daha özgüvənli çıxacağını düşünürəm. "Lion" Fransanın güclü komandalarından biri olmasına baxmayaraq, "Qarabağ"ın başa-baş mübarizə aparacağına inanıram.Doğma meydanda oynaması "Qarabağ" üçün bir üstünlükdür. Azarkeşlərin də dəstəyini nəzərə alsaq Azərbaycan təmsilçisinin 3 xal qazanmaq şanslarını yüksək qiymətləndirirəm".

Qeyd edək ki, Avropa Liqasının Liqa mərhələsinin 5-ci tur çərçivəsində keçirilən "Qarabağ" - "Lion" matçı sabah Bakı vaxtı ilə saat 21:45-də Tofiq Bəhramov adına Respublika stadionunda keçiriləcək.