29 Dekabr 2024, 09:28
Juninyonun "Sevilya"ya keçidi yekunlaşmaq üzrədir
Olavio Juninyonun “Sevilya”ya transferi tamamlanmaq üzrədir. Artıq İspaniya klubu ilə “Qarabağ” arasında razılıq əldə olunub.
"Operativ Media" xəbər verir ki, bu barədə İspaniyanın “Ficherio” saytı məlumat yayıb. Mənbənin yazdığına görə, braziliyalı hücumçunun La Liqa klubuna keçidi 3-3,5 milyon avroya başa gələcək. “Sevilya” Juninyonun transferi ilə bağlı “Qarabağ”la anlaşıb. Yalnız bəzi xırda detalların dəqiqləşməsi qalıb.
28 yaşlı forvardın “Sevilya”nın La Liqanın 20-ci turu çərçivəsində yanvarın 12-də “Valensiya” ilə keçirəcəyi oyuna qədər komandaya qoşulacağı bildirilir.