AZAL-ın vitse-prezidenti: "Artıq birmənalı olaraq demək olar ki, təyyarəyə müdaxilə edilərək xəsarət yetirilib"

"Operativ Media" xəbər verir ki, bunu "Azərbaycan Hava Yolları" QSC-nin (AZAL) vitse-prezidenti İlham Əmirov hava limanındakı vida mərasimində deyib.

"Təyyarə həmin an yaxınlıqdakı hava limanlarına "qəzaya uğrayıram, enişə icazə verin" siqnalı göndərib. Lakin yaxınlıqdakı hava limanları onların bu çağırışına reaksiya verməyib. Bu fakt araşdırılacaq.

Pilotlar öz peşəkarlığı sayəsində təyyarəni Aktauya keçiriblər və öz canları bahasına insanları xilas edə biliblər".