06 Yanvar 2025, 11:47
İsveçli hücumçu 5 futbolçudan biri oldu
İsveç millisinin və Portuqaliyanın "Sportinq" klubunun hücumçusu Viktor Gyokereş 1970-ci ildən bəri futbol tarixində bir təqvim ildə 60 qol səddini keçməyi bacaran 5-ci futbolçu oldu.
"Operativ Media" xəbər verir ki, 1970-ci ildən bəri bunu bacaran 5 futbolçu olub.
Viktor Gyokereş 2024-cü ildə bütün turnirlər daxil 62 qol vurmağı bacarıb.
Buna qədər, 2021-ci ildə Robert Levandovski 69, 2014-cü ildə Kriştiano Ronaldo 61, 2013-cü ildə Kriştiano Ronaldo 70, 2012-ci ildə Lionel Messi 91, 2012-ci ildə Kriştiano Ronaldo 63, 2011-ci ildə Kriştiano Ronaldo 60, 2010-cu ildə Lionel Messi 60, 1976-ci ildə Gerd Müller 61, 1972-ci ildə Gerd Müller 85 qol vurub