2024-cü ildə şokolad ixracına görə lider ölkələrin adları açıqlanıb

"Operativ Media" RİA-ya istinadən xəbər verir ki, ötən il dünya şokolad ixracatında Almaniya, Belçika və Polşa lider olaraq qalıb, Rusiya isə 15-ci sırada yer tutub.

Ötən ilin ilk 9 ayının nəticələrinə əsasən (hələ indiki məlumat yoxdur) onlar müvafiq olaraq 5,01 milyard, 3,16 milyard və 2,35 milyard dollarlıq şokolad ixrac ediblər. Eyni zamanda Almaniya tədarükləri illik ifadədə 10%, Belçika 31%, Polşa isə 18% artırıb.

İlk beşliyə 9 ayın sonunda yerlərini dəyişdirən İtaliya və Hollandiya da daxil olub. İtaliyanın ixracı 16% artaraq 2,17 milyard dollara, Hollandiyanın ixracı isə 8% artaraq 2,06 milyard dollara çatıb.