Azərbaycan Respublikasının Prezidenti İlham Əliyev Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyanın dəvəti ilə yanvarın 13-də Birləşmiş Ərəb Əmirliklərinə işgüzar səfərə gəlib.

"Operativ Media" xəbər verir ki, Əbu-Dabinin Zayed Beynəlxalq Aeroportunda dövlətimizin başçısının şərəfinə fəxri qarovul dəstəsi düzülmüşdü.

Prezident İlham Əliyevi Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan qarşıladı.

***

10:02

Prezident İlham Əliyevin Əbu-Dabiyə səfəri gözlənilir.

"Operativ Media" xəbər verir ki, BƏƏ Prezidenti Əlahəzrət Şeyx Məhəmməd bin Zayed Al Nəhyan İlham Əliyevi ADSW Sammitinin Liderlər Zirvəsinə dəvət edib.

Zirvədə 13 dövlət başçısı və 140-dan çox nazir və hökumət rəsmisi iştirak edəcək.

Qeyd edək ki, ADSW-nin əsas tədbiri olan Liderlər Sammiti 14-15 yanvarda baş tutacaq.