Juninyo "Qarabağ"dan ayrılıb Braziliyaya gedəcək

Juninyo bu gün “Qarabağ”ın düşərgəsini tərk edəcək.

"Operativ Media" xəbər verir ki, bu barədə Brazliyanın bir neçə media qurumu məlumat yayıb.

Bildirilir ki, 28 yaşlı hücumçu Rio-de-Janeyroya yollanacaq. O, “Flamenqo” üçün tibbi müayinədən keçəcək, bundan sonra tərəflər arasında müqavilə imzalanacaq. Müqavilənin 2028-ci ilin sonuna qədər bağlanacağı nəzərdə tutulub. Bundan sonra Juninyo ABŞ-də təlim-məşq toplanışında olan yeni komandasının düşərgəsinı qoşulacaq.

“Qarabağ” bu transferdən 5 milyon avro qazanacaq. Məbləğ Ağdam klubuna hissə-hissə ödəniləcək.