"Borussiya Dortmund"un forvardı Premyer Liqaya keçəcək

İngiltərənin "Aston Villa" klubu Dortmund "Borussiya"sının niderlandlı hücumçusu Donyel Maleni alacaq.

"Operativ Media" bu haqda insayder Fabrizio Romanoya istinadən xəbər verir.

Premyer Liqa klubu 25 yaşlı futbolçu üçün 23 milyon avro ödəyəcək. Əlavə olaraq 3 milyon avro bonus da nəzərdə tutulub.

Cari mövsümdə Danyel Malen "Borussiya"nın heyətində 21 matçda iştirak edib, 5 qol vurub, 1 qol ötürməsi edib.

"Transfermarkt" Danyel Malenin transfer dəyərini 28 milyon avro qiymətləndirir.