Ermənistan və ABŞ arasında strateji tərəfdaşlıq sazişi imzalanıb - YENİLƏNİB

Ermənistan və ABŞ strateji tərəfdaşlıq sazişi imzalayıb.

"Operativ Media" xəbər verir ki, sənədin imzalanması mərasimi Vaşinqtonda Ermənistan xarici işlər naziri ilə ABŞ dövlət katibi arasında keçirilən görüş çərçivəsində baş tutub.

ABŞ dövlət katibi Antoni Blinken sənədin imzalanmasının Ermənistanla ABŞ arasında münasibətlərdə mühüm mərhələ olduğunu vurğulayıb.

“Biz ABŞ-Ermənistan Strateji Tərəfdaşlıq Komissiyası yaradırıq. Bu, bizə müxtəlif sahələrdə əməkdaşlığı genişləndirmək imkanı verir: iqtisadi məsələlər, təhlükəsizlik və müdafiə, demokratiya, ədalət...”, - Blinken bildirib.

Ermənistanın xarici işlər naziri ABŞ dövlət katibinə və onun komandasına iki ölkə arasında əməkdaşlığın yeni səviyyəyə çıxarılması üçün bu yolda göstərdikləri səylərə görə təşəkkür edib.

22:27

Ermənistan xarici işlər naziri Ararat Mirzoyan və ABŞ Dövlət katibi Antoni Blinken bu gün axşam Vaşinqtonda strateji tərəfdaşlıq sənədini imzalayıb.

"Operativ Media" xəbər verir ki, sənəd A.Mirzoyanın ABŞ-a səfəri zamanı imzalanıb.

Bundan əlavə, Avropa İttifaqı Ermənistanın üzvlük üçün mümkün müraciətini ətraflı nəzərdən keçirəcək.