"Qarabağ"ın rəqibi Yunanıstan kubokunda heç-heçə etdi

“Qarabağ”ın Avropa Liqasındakı rəqibi “Olimpiakos” Yunanıstan Kubokunda 1/4 final mərhələsinin ilk matçını keçirib.

"Operativ Media" xəbər verir ki, Pirey klubu səfərdə “Panatinaikos”la qarşılaşıb. Oyun 1:1 hesablı bərabərliklə nəticələnib.

“Panatinaikos”un qolunu Filip Yuriçiç, “Olimpiakos”un qolunu isə Roman Yaremçuk vurub.

Bu iki komanda arasındakı cavab oyunu fevralın 5-də baş tutacaq.

“Qarabağ” isə yanvarın 30-da səfərdə “Olimpiakos” ilə üz-üzə gələcək.