Londonun "Arsenal"ı orta xətti gücləndirmək niyyətindədir.

"Operativ Media" "La Repubblica"ya istinadən xəbər verir ki, İngiltərə komandasının ispaniyalı baş məşqçisi Mikel Arteta İtaliya "Roma"sının kapitanı, italiyalı yarımmüdafiəçi Lorenzo Pelleqrininin xidmətində maraqlıdır.

İtaliyanın "İnter" və "Napoli" klubları da 28 yaşlı futbolçunu almaq istəyindədir.

Lorenzo Pelleqrininin "Roma" ilə müqaviləsi 2026-cı ilə qədər nəzərdə tutulub.

Onun transfer dəyəri 14 milyon avro qiymətləndirilir.

Cari mövsümdə Lorenzo Pelleqrini 21 matçda iştirak edib, 2 qol vurub, 2 məhsuldar ötürmə edib.