"Qəbələ"nin legioneri: "Mövsümün yenidən startına qədər daha yaxşı formada olacağıq"

Məşqlərdə hər bir şeyin öhdəsindən gəlməliyik ki, oyunlar zamanı problemlə üzləşməyək.

"Operativ Media" xəbər verir ki, bunu "Qəbələ" klubunun mətbuat xidmətinə açıqlama verən nigeriyalı yarımmüdafiəçi Oçe Oçoveçi deyib.

O, təlim-məşq toplanışındakı məşqlərin vacibliyini vurğulayıb.

"Məşqlərimiz yüksək səviyyədə davam edir. Hər birimiz maksimum gücümüzlə çalışırıq. Heç bir çətinliyimiz yoxdur. Baş məşqçimizin verdiyi tapşırığı həvəslə yerinə yetirməyə çalışırıq. Məşqlərdə hər bir şeyin öhdəsindən gəlməliyik ki, oyunlar zamanı problemlə üzləşməyək. Düşünürəm ki, komanda yoldaşlarımın da hamısı formadadır. Çempionatın yenidən startına qədər daha da yaxşı formaya düşəcəyimizə inanıram. Təlim-məşq toplanışında keçirdiyimiz intensiv məşqlər mövsümün qalan hissəsi üçün çox önəmlidir".