"Beşiktaş" yeni baş məşqçisini açıqladı - RƏSMİ

"Ağ-qaralar" norveçli mütəxəssis Ole-Qunnar Solşeri əsas komandanın başına gətirib.

"Operativ Media" xəbər verir ki, bu haqda klubun mətbuat xidməti məlumat yayıb.

"Beşiktaş" norveçli baş məşqçi ilə 2026-cı ilə qədər müqavilə imzalayıb.

51 yaşlı mütəxəssis son olaraq “Mançester Yunayted” klubunda işləyib. “Qırmızı şeytanlar”ın başında 149 oyuna çıxan Solşer, orta hesabla 1.79 xal toplayıb. Ole-Qunnar Solşerin karyerasında iki liqa çempionluğu var. O, “Molde” klubunu iki dəfə çempion edib.