AFFA uşaqların köhnə toplarla oynamasına reaksiya verdi

Sosial şəbəkələrdə U-13 Liqasında futbolçuların köhnə və cırılmış topla oynadıqları barədə xəbər yayılıb.

"Operativ Media" xəbər verir ki, AFFA bu məsələ ilə bağlı öz mövqeyini açıqlayıb.

“Bunlar ehtiyat toplardır. Hər hansı fors-major vəziyyətdə istifadə olunur. Bu gün səhər saatlarında yeni toplar gətirilməli idi. Oyunların vaxtında başlaması, gecikməməsi üçün birinci hissələr ehtiyat toplarla oynanıldı. Növbəti oyunlarda artıq komandalar yeni toplarla təmin olundular. Topların gec gəlməsi ilə bağlı tərəfimizdən araşdırma aparılacaq və müvafiq addımlar atılacaq”.