ABŞ-nin Azərbaycandakı müvəqqəti işlər vəkili Şəhidlər Xiyabanını ziyarət edib - FOTO

ABŞ-nin Azərbaycandakı müvəqqəti işlər vəkili Hüqo Qevara Şəhidlər Xiyabanını ziyarət edib.

"Operativ Media" xəbər verir ki, bu barədə ABŞ səfirliyinin "X" hesabında paylaşım edilib.

"Bu gün biz Qara Yanvarın faciəli hadisələrini ehtiramla yad edir, vətən uğrunda qəhrəmancasına canlarını fəda edənlərin xatirəsinə dərin hörmət göstəririk. Bu anım günündə onların verdikləri böyük qurbanı anaraq, ailələrinə və yaxınlarına səmimi başsağlığı veririk", - paylaşımda deyilir.