"Azərbaycan çox gözəl bir ölkədir və onu görməyə getməyi tövsiyə edirəm. Orada çox gözəl şeylər var. Qurduğum dostluqlar üçün darıxacağam".

"Operativ Media" xəbər verir ki, bunu "Qarabağ"ın sabiq braziliyalı hücumçusu Olavio Juninyo deyib.

O, keçən il Braziliyadan başqa təkliflər aldığını da etiraf edib 

"Sao Paulo" ilə oyunu izlədim və inanıram ki, "Flamenqo" komandasına çox yaxşı uyğunlaşacam. Burada olmaqdan çox xoşbəxtəm və motivasiyam yüksəkdir. Keçən il Braziliya futboluna qayıtmaq üçün başqa təkliflər aldım, amma qəbul etmədim. Braziliyaya qayıtmaq istəmirdim. "Flamenqo"da oynamaq hər bir oyunçunun arzusudur. Menecerlərim mənə belə bir təklifin olduğunu deyəndə inanmadım. Təklifi heç düşünmədən qəbul etdim".

Juninyo təqdimat mərasimində Azərbaycan haqqında xoş sözlər söyləyib.

"Flamenqo" həmişə nəhəng klub olub, lakin son illərdə biz daha böyük möhtəşəmlik görürük. "Flamenqo" bütün titullar üçün mübarizə aparır. Azərbaycanda insanlar "Flamenqo"nu tanıyırlar. Azərbaycan çox gözəl bir ölkədir və onu görməyə getməyi tövsiyə edirəm. Orada çox gözəl şeylər var. Qurduğum dostluqlar üçün darıxacağam".

Qeyd edək ki, Olavio Juninyo qış transfer pəncərəsində 5 milyon avroya "Qarabağ"dan "Flamenqo"ya transfer olub.