22 Yanvar 2025, 23:09
Elvin Camalov: "İnanıram ki, "Neftçi" daha da yuxarılarda olacaq"
“Sabah”dan ayrılan Elvin Camalov “Neftçi” ilə müqavilə bağlayıb.
Elvin Camalov: "İnanıram ki, "Neftçi" daha da yuxarılarda olacaq" şəkil
Elvin Camalov: "İnanıram ki, "Neftçi" daha da yuxarılarda olacaq"

“Sabah”dan ayrılan Elvin Camalov “Neftçi” ilə müqavilə bağlayıb.

"Operativ Media" xəbər verir ki, yeni klubu ilə 1,5+1 il şərti ilə müqavilə bağlayan Camalov “Neftçi”nin saytına açıqlama verib:

“Əlbəttə, “Neftçi” kimi tarixi zəngin olan böyük klubda olmaq çox böyük hissdir. Təbii ki, çox həyəcanlıdır. İnşallah, çox ümid edirəm ki, bu həyəcanı yenib komanda üçün faydalı olacam.

Ümid edir və inanıram ki, “Neftçi” daha da yuxarılarda olacaq və bunun üçün əlimizdən gələnin ən yaxşısını edəcəyik. Daha yaxşı nəticələr qazanmaqda mən də pay sahibi olmaq üçün əlimdən gələnin ən yaxşısını edəcəm.

Hər bir futbolçunun arzusu olduğu kimi, mən də buna nail olduğum üçün sevincliyəm. Burada olmaq böyük bir sevinc olduğu kimi, böyük bir məsuliyyət də tələb edir. Çünki burada azarkeşlərin istəyi, gözləntisi daim yuxarılardır. Mən də buradan azarkeşlərimizə söyləmək istəyirəm ki, dəstəklərini əsirgəməsinlər. İnanıram ki, azarkeşlərimiz də “Neftçi”ni sevdiyi kimi, hər bir futbolçuya qiymət verdiyi kimi, “Neftçi” camiəsinin əsas və sevilən bir futbolçusu olaraq mənə də dəstəklərini davam etdirəcəklər. Çünki “Neftçi” camiədir və burada uğura nail olacağıqsa, birlikdə nail olacağıq.

Hədəfimiz çempionatda oyundan-oyuna üç xalı qazanıb, turnir cədvəlində daha yuxarıya qalxmaq və avrokuboklara vəsiqə üçün daha yaxın yol olan kubokda qalib olmaqdır.

Ümid edirəm ki, azarkeşləri yaxşı oyunumla sevindirərəm”.

Son xəbərlər
Azərbaycan güləşçiləri Xorvatiyada daha iki medal qazanıblar
İTV-nin canlı yayımına haker hücumu olub
Hakan Fidan və Abbas Araqçi arasında telefon danışığı olub
Azərbaycan çempionatında ilk yarımfinalçılar bəlli oldu
Sumqayıtda bağlı qapı arxasında qalan azyaşlı xilas edilib
Türkiyədə sərnişin avtobusu aşıb
FHN-in qadın əməkdaşları dövlət qurumları arasında çempionatın qalibi olub
Baş nazir: NATO-ya qoşulmaq Gürcüstanın gündəliyində deyil