Azərbaycan Basketbol Liqasında 12-ci tur davam edir.

"Operativ Media" xəbər verir ki, tur çərçivəsində bu gün daha bir oyun keçiriləcək.

Günün yeganə qarşılaşması B qrupunda baş tutacaq. Autsayder "Lənkəran" “Sumqayıt”ı qəbul edəcək.

Lənkəran Olimpiya İdman Kompleksində keçiriləcək görüş saat 14:00-da başlayacaq. 

"Sumqayıt" hazırda 14 xalla qrupda dördüncüdür. Sonuncu - altıncı pillədə olan "Lənkəran"ın isə 13 xalı var.

Qeyd edək ki, XII turun daha əvvəl keçirilən görüşlərində "Abşeron" "Sərhədçi"ni 86:79, "Sabah" isə "Neftçi"ni 75:65 hesabı ilə məğlub edib.