"Sabah" Rusiyadan futbolçu transfer etmək istəyir

Azərbaycan Premyer Liqasında mübarizə aparan "Sabah" klubu Rusiyanın "Rubin" klubunun özbəkistanlı gənc yarımmüdafiəçisi Umarali Rahmonaliyevi heyətinə qatmaq istəyir.

"Operativ Media" xəbər verir ki, bu barədə Rusiyanın nüfuzlu "Sport-Ekspress" nəşri məlumat yayıb.

Azərbaycan təmsilçisi gənc yarımmüdafiəçini icarə əsasında heyətinə qatmaq istəyir. Onunla mövsüm sonuna kimi müqavilə imzalanması nəzərdə tutulub.

21 yaşlı Rəhmonəliyev bu mövsüm "Rubin"də 7 oyun keçirib. Futbolçunun Kazan klubu ilə müqaviləsi 2026-cı ilin yayına kimi nəzərdə tutulub.

"Transfermarkt" futbolçunun dəyərini 500 min avro qiymətləndirir.

Əziz Əsgəroğlu