27 Yanvar 2025, 13:56
Rusiyalı məşqçi Qazaxıstan millisindən getdi
Rusiyalı baş məşqçi Stanislav Çerçesovun karyerasında dəyişiklik olub.
Futbol üzrə Qazaxıstan yığmasının baş məşqçisi Stanislav Çerçesov postundan istefa verib.
"Operativ Media" xəbər verir ki, bu barədə Qazaxıstan Futbol Federasiyası məlumat yayıb.
Bildirilib ki, qarşılıqlı razılıq əsasında müqaviləyə xitam verilib.
Çerçesov 2024-cü ilin iyununda Qazaxıstan millisinin “sükanı arxasına” keçmişdi. Onun rəhbərliyi altında komanda Millətlər Liqasında 6 oyun keçirib və yalnız Norveç yığması ilə heç-heçə edib. Onun müqaviləsi 2026-cı ilin sonda başa çatmalı idi.