Azərbaycanın "Qarabağ" futbol klubunun yarımmüdafiəçisi Yassin Benzia xaricdən yeni təklif alıb.

"Operativ Media" xəbər verir ki, mövsümün əvvəlindən onu yaxından izləyən Qətərin "Umm-Salal" klubu əlcəzairli yarımmüdafiəçini öz sıralarında görmək istəyir. Doha klubu keçidi tez bir zamanda həyata keçirmək istəyir.

Bununla belə, Benzianın Qətər komandasına keçməyə razı olub-olmayacağı hələlik bəlli deyil. Məlumdur ki, komandanın baş məşqçisi Pablo Maçin əlcəzairli ilə şəxsən maraqlanır və hətta onun millidəki oyununu da izləyib.

Benzianın "Qarabağ"la bu mövsümün sonuna qədər müqaviləsi var.