Türkiyənin "Fənərbağça" futbol klubu Anderson Taliska ilə bağlı transferini elan edib.

Operativ Media xəbər verir ki, İstanbul təmsilçisi braziliyalı futbolçu ilə 1,5 illik müqavilə imzalayıb.

A.Taliska "Fənərbağça"ya Səudiyyə Ərəbistanının "Əl-Nəsr" klubundan keçib. Daha əvvəl, 2016-2018-ci illərdə, o, "Beşiktaş"ın heyətində çıxış edib və Türkiyə çempionu titulunu qazanıb.

Xatırladaq ki, 30 yaşlı futbolçu "Əl-Nəsr"də keçirdiyi 78 oyunda 62 qolla yadda qalıb.