Olavio Juninyo Braziliyada ilk kubokunu qazandı

Braziliya Superkuboku matçında "Flamenqo" "Botafoqo"nu 3:1 hesabı ilə məğlub edib.

"Operativ Media" xəbər verir ki, "Qarabağ "ın sabiq hücumçusu Olavio Juninyo matçın 80-ci dəqiqəsində meydana daxil olub və fərqlənə bilməyib.

"Flamenqo"nun heyətində Bruno Henrike iki dəfə fərqlənib, Luis Araujo isə daha bir qola imza atıb.

Bu, "Flamenqo"nun tarixində dördüncü Braziliya Superkubokudur. Komanda daha əvvəl 1992, 2020 və 2021-ci illərdə qalib gəlib.