"Səbail" 100-cü səfər qolunu vurub

Bakı klubu ölkə çempionatlarında 100-cü səfər topuna imza atıb. 

"Operativ Media" PFL-in rəsmi saytına istinadən xəbər verir ki, yubiley qolunu Madi Queta vurub.

100-cü qol rəqib meydanlarındakı 113-cü matça təsadüf edib. “Səbail” Azərbaycan çempionatları tarixində səfərdəki qol sayı üç rəqəmlə ifadə olunan 19-cu komanda olub.

Qeyd edək ki, “Səbail” ilk səfər qolunu 2017-ci il avqustun 13-də “Zirə” ilə səfər oyununda (1:2) vurub. Həmin topun müəllifi Vüqar Nadirov olub.