"Zirə"nin sierra-leoneli hücumçusu Salifu Suma bir neçə klubun transfer hədəfinə çevrilib.

"Operativ Media" xəbər verir ki, 21 yaşlı forvard Ukraynanın bir neçə komandası da daxil olmaqla, bir neçə ölkənin klublarının maraq dairəsinə düşüb.

Bu mövsüm uğurlu çıxışı ilə diqqət çəkən Suma "Zirə"nin heyətində vacib fiqurlardan birinə çevrilib. Onun göstəriciləri və potensialı Avropanın bəzi klublarının marağına səbəb olub.

"Zirə" klubu bu ay Salifu Suma ilə müqaviləni 2027-ci ilədək uzadıb.

Qeyd edək ki, qvineyalı hücumçu bu mövsüm Azərbaycan Premyer Liqasında 19 oyuna 6 qol vurub, 4 assist edib.