Münxendə avtomobil izdihamın üzərinə sürülüb, azı 20 nəfər yaralanıb

Münxendə avtomobilin xidmət sahəsində çalışan işçilərin birləşmiş həmkarlar ittifaqı təşkilatının (Verdi) üzvlərinin bir qrupunun qatıldığı yürüşün iştirakçılarının üzərinə sürməsi nəticəsində azı 20 nəfər xəsarət alıb.

Operativ Media xaric KİV-ə istinadən xəbər verir ki, xəsarət alanlardan bir neçəsinin vəziyyəti ağırdır. Onların arasında uşaqlar da var.

Avtomobilin sürücüsü saxlanılıb. Hadisənin qəsdən və ya təsadüfən baş verdiyi hələlik məlum deyil.

Verdi həmkarlar ittifaqının nümayəndəsi avtomobilin nümayişçilərin üzərinə sürüldüyünü təsdiqləsə də, hadisənin qəsdən və ya təsadüfən baş verdiyini bilmədiklərini qeyd edib. Nümayiş dərhal dayandırılıb.

Polis hadisə yerini nəzarətə alıb, ətrafdakı bir sıra küçələrdə hərəkət məhdudlaşdırılıb.

Münxenin meri Dieter Rayter hadisədən dərin sarsıntı keçirdiyini bildirib və yaralılara şəfa diləyib. Hadisənin dəqiq səbəbləri və təfərrüatları araşdırılır.