Avropa İttifaqı hakimiyyəti Ukraynaya azı 6 milyard avro dəyərində ən böyük hərbi yardım paketi üzərində işləyir.

Operativ Media xəbər verir ki, bu barədə "Politico" qəzeti üç Avropa diplomatına istinadən bildirib.

Onların sözlərinə görə, yeni paket Rusiya ilə ABŞ-nin rəhbərlik etdiyi danışıqların ilkin mərhələsində Kiyevin mövqeyini gücləndirmək məqsədi daşıyır.

Paket haqqında məlumat Avropa Komissiyası nümayəndə heyətinin fevralın 24-də Kiyevə gözlənilən səfərindən əvvəl açıqlana bilər.

"Politico"nun iki mənbəsi bildirib ki, paketin yekun dəyəri Aİ-nin müxtəlif dövlətlərinin öz arsenallarından Ukraynaya nə göndərə biləcəyindən asılı olaraq 10 milyard avroya və ya daha çox arta bilər.