Buzlaqlar üçün qlobal xəbərdarlıq: Son 10 ildə itki 36 faiz artıb

Alimlər xəbərdarlıq ediblər ki, ərimə gələcək illərdə gözlənildiyindən daha sürətlə inkişaf edə və dəniz səviyyəsinin qalxmasına səbəb ola bilər.

"Operativ Media" xəbər verir ki, İsveçrənin Sürix Universitetindən proffesor Maykl Zemp açıqlamasında "Tapıntılar şok edicidir, lakin təəccüblü deyil. Qlobal istiləşmə insan fəaliyyəti nəticəsində atmosferə atılan istixana qazları səbəbindən artır və bu, buzlaqların itkisini sürətləndirir" deyə bildirib.

Beynəlxalq tədqiqat qrupu tərəfindən aparılan araşdırma 2012-2023-cü illər arasında buzlaq itkisinin 2000-2011-ci illərlə müqayisədə 36 faiz artdığını müəyyən edib. Araşdırmaya görə, hər il orta hesabla 273 milyard ton buz itirilir.