"Pakistan və Azərbaycan arasındakı əlaqələr son illərdə sürətlə inkişaf edir. İki ölkə arasında dostluq münasibətləri tarixi, mədəni və dini yaxınlıqlara əsaslanır".

Bunu "Operativ Media"ya açıqlamasında Yeni Azərbaycan Partiyası Binəqədi rayon təşkilatının “UNİTY Company” ərazi partiya təşkilatının sədri Fikrət Əliyev deyib:


 

"Pakistan Azərbaycana Qarabağ məsələsində daim qətiyyətli dəstək verən ölkələrdən biridir. Bütün dövrlərdə hər iki ölkə bir-birinin ərazi bütövlüyü və suverenliyinə dəstək nümayiş etdirib. 

İki ölkə arasında iqtisadi əlaqələr möhkəmlənir, ildən ilə ticarət dövriyyəsi artır. 

Hərbi əməkdaşlıq sahəsində də Pakistan və Azərbaycan arasında sıx əlaqələr mövcuddur. Azərbaycan Pakistandan hərbi texnika və silahlar alır, hərbi təlimlərdə iştirak edir.

Pakistan Xocalı soyqırımını rəsmi olaraq tanıyan ilk dövlətlərdən biridir. Bu gün Xocalı soyqırımının ildönümü ərəfəsində Pakistanın Baş naziri cənab Şahbaz Şərifin ölkəmizə səfər etməsi xüsusi önəm daşıyır. 

Qarşılıqlı yüksək səviyyəli rəsmi səfərlər və imzalanan sazişlər birgə əməkdaşlığın daha da gücləndiyini göstərir. 

Bu gün Pakistan və Azərbaycan əlaqələri bir sıra dövlətlər üçün nümunədir. Yaşasın, dostluğumuz!".