"İnter Mayami"nin argentinalı hücumçusu Lionel Messi "Barselona"ya keçəcək.
"Operativ Media" xəbər verir ki, bu barədə jurnalist Aleks Kandal sosial şəbəkələrdə məlumat yayıb.
Mənbənin sözlərinə görə, 37 yaşlı futbolçu təmirdən çıxmış “Kamp Nou” stadionunda oynamayana qədər karyerasını bitirmək istəmir. O da qeyd olunur ki, kataloniyalılar artıq Messinin qayıdışı ilə bağlı variantları nəzərdən keçirməyə başlayıblar. Forvard 2025-ci ilin sonunda başa çatacaq MLS mövsümünün bitməsinə bir neçə ay qalmış "Barselona"ya icarə əsasında qoşula bilər.
Argentinalı 2023-cü ildən "İnter Mayami"də çıxış edir. Onun klubla müqaviləsi 2025-ci ilin dekabrına qədərdir.
Messi 2004-2021-ci illərdə "Barselona"da çıxış edib. Ümumilikdə o, İspaniya klubunda 778 oyun keçirib, 672 qol vurub və 303 məhsuldar ötürmə edib.