Azərbaycan Kuboku: "Qarabağ" yarımfinala yüksəldi

Bu gün futbol üzrə Azərbaycan kubokunda 1/4 final mərhələsinin cavab oyunlarına start verilib.

"Operativ Media" xəbər verir ki, günün ilk qarşılaşmasında "Qarabağ" "Səbail"i qəbul edib. Tofiq Bəhramov adına Respublika stadionunda keçirilən matçda Qurban Qurbanovun yetirmələri 3-1 hesabı ilə qalib gələrək yarımfinala yüksəlib.

Komandalar arasında baş tutan ilk matçda Ağdam təmsilçisi 1-0 hesabı ilə qalib gəlmişdi.

Qeyd edək ki, "Qarabağ" yarımfinalda "Zirə" - "Araz-Naxçıvan" cütünün qalibi ilə qarşılaşacaq.

Azərbaycan Kuboku

1/4 final mərhələsinin cavab oyunu

27 fevral

16:00 Qarabağ – Səbail 3:1

Qollar: Musa Qurbanlı, 13, Emin Rüstəmov, 43 (avtoqol), Nəriman Axundzadə, 55 – Rüfət Abdullazadə, 15,

İlk oyun 1:0

Tofiq Bəhramov adına Respublika stadionu