Ermənistan XİN: İrəvan və Bakı danışıqları başa çatdırıb və sülh sazişi layihəsi üzrə razılığa gəliblər

Ermənistan Xarici İşlər Nazirliyi Bakının sülh müqaviləsinin mətninin son iki bəndinin razılaşdırılması ilə bağlı bəyanatını təsdiqləyib.
 

Operativ Media "Armenpress"ə istinadən xəbər verir ki, bu barədə Ermənistan Xarici İşlər Nazirliyi məlumat yayıb.

“Ermənistan Respublikasının Xarici İşlər Nazirliyi diplomatik kanallar vasitəsilə Azərbaycan Xarici İşlər Nazirliyinə Ermənistan Respublikasının “Ermənistan Respublikası ilə Azərbaycan Respublikası arasında sülh və dövlətlərarası münasibətlərin qurulması haqqında Saziş” layihəsinin razılaşdırılmamış iki maddəsi üzrə Azərbaycanın təkliflərini qəbul etdiyini bildirib", - bəyanatda deyilir.