SOCAR “Abşeron” yatağının istismarı üçün beynəlxalq tərəfdaşlarla işləyir

Hazırda Azərbaycan Dövlət Neft Şirkəti (SOCAR), Fransanın “TotalEnergies” və Əbu-Dabinin milli neft şirkəti (ADNOC) ilə birlikdə Xəzər dənizində yerləşən “Abşeron” qaz-kondensat yatağının tam miqyaslı istismarı istiqamətində iş aparır.

Operativ Media xəbər verir ki, bu barədə SOCAR-ın vitse-prezidenti Elşad Nəsirov Bakıda keçirilən Cənub Qaz Dəhlizi Məşvərət Şurası çərçivəsində nazirlərin 11-ci, eləcə də Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı məlumat verib.

E. Nəsirov bildirib ki, 2024-cü ildə Azərbaycanda ümumilikdə 50 milyard kubmetr təbii qaz hasil edilib.

Bunun təxminən 10 milyard kubmetri “Azəri-Çıraq-Günəşli” yatağının layına təkrar vurulub.

“2023-cü ildə ‘Abşeron’ yatağında hasilata başlanılıb və birinci mərhələdə 1,5 milyard kubmetr qaz çıxarılıb. Hazırda SOCAR, "Total" və ADNOC yatağın tam işlənməsi üzərində çalışırlar. 2025-ci ildə yekun investisiya qərarının (FID) qəbul ediləcəyi gözlənilir”, - deyə o əlavə edib.