Anton Krivotsyuk ehtiyatda qaldı, komandası uduzdu

Futbol üzrə Cənubi Koreya çempionatında 7-ci turun oyunları keçirilir.

Operativ Media xəbər verir ki, bu gün Azərbaycan milli komandasının müdafiəçisi Anton Krivotsyukun formasını geyindiyi “Daejeon” doğma meydanda “Joenbuk”u qəbul edib və 0:2 hesabıyla uduzub.

Krivotsyuk bu qarşılaşmanın iştirakçısı olmayıb. 26 yaşlı müdafiəçi sonadək ehtiyatda qalıb.

7 turdan sonra aktivində 16 xal olan “Daejeon” turnir cədvəlinin zirvəsində qərarlaşıb.