"Liverpul" 2020-ci ildəki antirekordunu təkrarladı

"Liverpul" Premyer Liqanın 31-ci turunda səfərdə "Fulhem"ə 2:3 hesabı ilə məğlub olub.

Operativ Media "Opta"ya istinadən xəbər verir ki, "mersisaydlılar" 2020-ci ilin oktyabrından bəri ilk dəfə bir hissədə üç qol buraxıblar. Həmin tarixdə "Liverpul" "Aston Villa" ilə oyunda 1:4 hesabı ilə uduzmuşdu və bir hissədə üç qol buraxmışdı.

Cari mövsümdə Arne Slotun rəhbərlik etdiyi komanda Premyer Liqada 31 turdan sonra 73 xalla turnir cədvəlinin lideridir və ikinci pillədəki "Arsenal"ı 11 xal qabaqlayır.