Ançelotti: "İnanmaq lazımdır, çünki bu, Bernabeuda dəfələrlə olub"

"Real Madrid"in baş məşqçisi Karlo Ançelotti Çempionlar Liqasının 1/4 final mərhələsinin ilk oyununda "Arsenal"a ağır məğlubiyyətdən (0:3) sonra cavab matçında geri dönüş şanslarını dəyərləndirib.

Operativ Media xəbər verir ki, o, cavab qarşılaşmasında uğur qazanacaqlarına inandığını bildirib.

"Biz öz tənqidi qiymətləndirməmizdə dürüst olmalıyıq. Oyunun uzun müddətində pis olmadıq - ilk hissədə yaxşı etdiyimiz bəzi şeylər var idi. Səviyyəmizi daha da yüksəltmək imkanımız oldu, lakin ikinci hissədə bu, tamamilə çökdü. Bugünkü oyuna baxanda şansımız azdır, amma futbolda hər şey ola bilər. İnanmaq, bu inamı saxlamaq lazımdır, çünki bu Bernabeuda dəfələrlə baş verib”.

Cavab oyunu aprelin 16-da Madriddə keçiriləcək.